கோலாலம்பூர்: மலாயா பல்கலைக்கழக மருத்துவமனையில் கொவிட் -19 தொற்று காரணமாக அம்னோ நிரந்தர துணை அவைத்தலைவர் ரிசுவான் அப்துல் ஹமீட் நேற்று இரவு காலமானார்.
மே 1-ஆம் தேதி பரிசோதனைக்குப் பிறகு ரிசுவானுக்கு தொற்று இருப்பது உறுதி செய்யப்பட்டதாக பெர்னாமா கூறியது.
அவரது மனைவி மடினா மொஹமத்தும் அதே மருத்துவமனையின் தீவிர சிகிச்சை பிரிவில் சிகிச்சை பெற்று வருகிறார்.
கெப்போங் அம்னோ தொகுதித் தலைவரான ரிசுவானின் மரணத்தை அம்னோ தலைவர் அகமட் சாஹிட் ஹமிடி உறுதிப்படுத்தினார்.
