கோலாலம்பூர்: கிள்ளான் பள்ளத்தாக்கு முழுமையும் கடுமையான நடமாட்டக் கட்டுப்பாட்டு ஆணையின் கீழ் இன்று முதல் கொண்டுவரப்பட்டிருக்கும் நிலையில் இன்று சனிக்கிழமை (ஜூலை 3) வரையிலான மொத்த ஒருநாள் கொவிட் தொற்றுகளின் எண்ணிக்கை 6,658 என அறிவிக்கப்பட்டிருக்கிறது.
நாட்டில் கொவிட் தொற்றுகளின் எண்ணிக்கை கடந்த சில நாட்களாக தொடர்ந்து 6 ஆயிரத்துக்கும் மேற்பட்ட எண்ணிக்கையில் இருந்து வருகிறது. இன்றும் ஆறாயிரத்தைக் கடந்திருக்கிறது.
இன்றைய எண்ணிக்கையோடு சேர்ந்து நாட்டில் இதுவரை பதிவான மொத்த தொற்றுகளின் எண்ணிக்கை 772, 607 ஆக உயர்ந்திருக்கிறது.
சிலாங்கூர் 3,047 தொற்றுகளோடு மிக அதிகமான தொற்றுகளைப் பதிவு செய்திருக்கிறது.
அதற்கு அடுத்த நிலையில் 699 தொற்றுகளோடு நெகிரி செம்பிலான் இரண்டாவது இடத்தில் இருக்கிறது. மூன்றாவது இடத்தை 616 தொற்றுகளோடு கோலாலம்பூர் பதிவு செய்திருக்கிறது.
சரவாக் 361 தொற்றுகளைப் பதிவு செய்திருக்கிறது.
