மலாக்கா : தேசிய முன்னணி எதிர்வரும் மலாக்கா சட்டமன்றத் தேர்தலில் தனித்தே களம் காண்கிறது. இதன் மூலம் மும்முனைப் போட்டிகள் 28 தொகுதிகளிலும் நடைபெறும் என கணிக்கப்படுகிறது.
இறுதி நிலவரம் நவம்பர் 8-ஆம் தேதி வேட்புமனுத் தாக்கல் நாளன்று தெரியவரும்.
இதற்கிடையில் தேசிய முன்னணி, மஇகாவுக்கு வழக்கம்போல் ஒரு தொகுதியை ஒதுக்கியுள்ளது. ஜசெக வேட்பாளர் ஜி.சாமிநாதன் போட்டியிடும் அதே காடெக் தொகுதியை மீண்டும் மஇகாவுக்கு தேசிய முன்னணி ஒதுக்கியுள்ளது.
மஇகா வேட்பாளராக வி.பி.சண்முகம் அறிவிக்கப்பட்டிருக்கிறார்.
அண்மைய சில ஆண்டுகளாக காடெக் தொகுதியின் மஇகா ஒருங்கிணைப்பாளராகவும் சண்முகம் பணியாற்றி வந்தார்.
