மலாக்கா : விறுவிறுப்புடன் நடைபெற்றுக் கொண்டிருக்கும் மலாக்கா மாநில சட்டமன்றத் தேர்தலில், தேசிய முன்னணிக்கு ஆதரவாக டத்தோஶ்ரீ எம்.சரவணன் களமிறங்கினார்.
செவ்வாய்க்கிழமை (நவம்பர் 10) மலாக்கா மாநிலத்திற்கு வருகை தந்த அவர் அங்கு மஇகா வேட்பாளர் போட்டியிடும் காடெக் தொகுதிக்கு வருகை தந்து அங்கு நிலைமையைக் கண்டறிந்தார்.
தேர்தல் பணிகள் குறித்த ஆலோசனைகளையும் சரவணன், மஇகா மற்றும் தேசிய முன்னணி தேர்தல் பணியாளர்களுக்கு வழங்கினார்.
சரவணனுடன் மலாக்கா மாநில மஇகா தலைவர்களும், மஇகா தேசிய உதவித் தலைவர் டத்தோ டி.மோகனும் இணைந்து தேர்தல் பணிகளிலும் பரப்புரையிலும் ஈடுபட்டனர்.
