ஜோகூர் பாரு : இன்று சனிக்கிழமை நடைபெற்ற ஜோகூர் மாநிலத்தின் பூலாய் நாடாளுமன்ற இடைத் தேர்தலில் பக்காத்தான் ஹாரப்பான் வெற்றி பெற்றது என அதிகாரபூர்வமாக அறிவிக்கப்பட்டது. இடைத் தேர்தல் வாக்கு விவரங்கள் பின்வருமாறு:-
பக்காத்தான் ஹாரப்பான் சுஹைசான் காயாட் – 48,283
பெரிக்காத்தான் நேஷனல் சுல்கிப்ளி ஜஃபார் – 29,642
சுயேட்சை வேட்பாளர் சம்சுடின் முகமட் பவுசி – 528
பெரும்பான்மை வாக்குகள் – 18,641
பூலாய் தொகுதியில் பக்காத்தான் தேசிய முன்னணி கட்சிகளின் ஆதரவுடன் மிகப் பெரிய பெரும்பான்மையில் வெற்றி பெற்றாலும் 15-வது பொதுத் தேர்தலில் பெற்ற பெரும்பான்மையை விட இது குறைவே ஆகும்.
கடந்த 15-வது பொதுத் தேர்தலில் சலாஹூடின் அயூப் 33,174 வாக்குகள் பெரும்பான்மை பெற்றார். இந்த முறை வாக்குகளின் பெரும்பான்மை 18,641 ஆகக் குறைந்துள்ளது.
அதே வேளையில் வாக்களிப்பு விழுக்காடும் பெருமளவில் வீழ்ச்சி கண்டுள்ளது. இந்த முறை மாலை 5.00 மணிவரை 50 விழுக்காட்டினர் மட்டுமே வாக்களித்தனர்.
