சென்னை : ஆங்கிலத்தில் தமிழ்ப் படங்களுக்குப் பெயர் வைப்பது என்பது புதிதல்ல! வழக்கமான ஒன்றுதான். ஆனால் விஜய்யின் அடுத்த படமான, வெங்கட் பிரபு இயக்கத்தில் வெளிவரவிருக்கும் – கோட்- கிரேட்டஸ்ட் ஆஃப் ஆல் டைம் என்ற படத்தின் பெயர் இறுதி நேரத்தில் மாற்றப்படலாம் என்ற எதிர்பார்ப்பு நிலவி வந்தது. ஆனால் பெயர் மாற்றம் இல்லாமலேயே எதிர்வரும் செப்டம்பர் 5-ஆம் தேதி வெளியாகும் என அறிவிக்கப்பட்டிருக்கிறது.
இன்று ஆகஸ்ட் 17-ஆம் தேதி கோட் படத்தின் முன்னோட்டம் வெளியாகி பரவலான வரவேற்பைப் பெற்று வருகிறது.
விஜய் கோட் படத்தில் இரட்டை வேடங்களில் தந்தை-மகனாக நடிக்கிறார். ஒரு விஜய் மோட்டார் சைக்கிளில் உட்கார்ந்து கொண்டு ஓட்ட, பின் இருக்கையில் அமர்ந்து இன்னொரு விஜய் துப்பாக்கியால் சுடுவது போல் காட்சிகள் அமைக்கப்பட்டிருக்கின்றன. ஓர் உளவுத் துறை அதிகாரியாக விஜய் நடிக்கிறார் என்பதை படத்தின் முன்னோட்டக் காட்சிகள் காட்டுகின்றன.
கோட் படத்தின் முன்னோட்டத்தைக் கீழ்க்காணும் யூடியூப் இணைப்பில் காணலாம்:
