புதுடெல்லி, ஆக. 22- அரசியல் தரகர் நீரா ராடியாவுடன் தொழில் அதிபர் ரத்தன் டாடா தொலைபேசியில் பேசிய உரையாடல் விவரம் கடந்த 2010ம் ஆண்டு சில பத்திரிகைகள் மற்றும் இணையதளங்களில் வெளியாகி கடும் சர்ச்சையை ஏற்படுத்தியது.
அடுத்தவர் சுதந்திரத்தை மீறி, இந்த விவரங்களை பத்திரிகைகளுக்கு கசிய விட்டவர்கள் மீது நடவடிக்கை எடுக்க வலியுறுத்தி உச்ச நீதிமன்றத்தில் ரத்தன் டாடா மனு தாக்கல் செய்தார்.
உரையாடல் எப்படி கசிந்தது? என்பது பற்றி அரசு அளித்த அறிக்கையின் நகலையும் டாடா கேட்டிருந்தார்.
இந்த வழக்கு நேற்று விசாரணைக்கு வந்தது. விசாணையை பார்வையிடுவதற்காக ரத்தன் டாடா நேற்று உச்ச நீதிமன்றத்திற்கு வந்திருந்தார்.
காலை 11 மணியளவில் தனது வழக்கறிஞர் மற்றும் சில நிர்வாகிகளுடன் வந்த அவர் சாட்சியம் அளித்த பின்னர் புறப்பட்டுச் சென்றார்.
