இடா நகர், மார்ச் 28 – வடகிழக்கு மாநிலங்களில் ஒன்றான அருணாச்சல பிரதேசத்தில், அடுத்த மாதம், 9-ல், நடைபெறவுள்ள சட்டசபை தேர்தலில், ஆளும் காங்கிரஸ் கட்சியின் முதல்வர், நபம் துகி மற்றும் அக்கட்சியின் நாடாளுமன்ற உறுப்பினர்கள் போட்டியின்றி தேர்வாகியுள்ளனர்.
மொத்தம், 60 சட்டசபை தொகுதிகளையும், இரண்டு, நாடாளுமன்றத் தொகுதிகளையும் கொண்ட, அருணாச்சல பிரதேசத்தில், அடுத்த மாதம், 9-ல், தேர்தல் நடைபெறுகிறது.
அருணாச்சல பிரதேச தேர்தலுக்கான வேட்பு மனு வாபஸ் பெற, கடந்த, 26-ஆம் தேதி, கடைசி நாள். அதில், முதல்வர் நபம் துகி மற்றும் 11 காங்கிரஸ் நாடாளுமன்ற உறுப்பினர்களை எதிர்த்து, வேறு யாரும் போட்டியிடாததால், அவர்கள், 11 பேரும் போட்டியின்றி தேர்வானதாக அறிவிக்கப்பட்டுள்ளது.
சீன எல்லையை ஒட்டி அமைந்துள்ள, இந்த மாநில தேர்தலில், காங்கிரசுடன், பா.ஜ., தேசியவாத காங்கிரஸ், “ஆம் ஆத்மி’ உட்பட பல கட்சிகள் போட்டியிடுகின்றன. பல ஆண்டுகளாக காங்கிரஸ் தலைமையில் ஆட்சி அமைந்து வரும் இம்மாநிலத்தில், 2003 – 2007 வரை, பா.ஜ., ஆட்சி நடந்தது.
