மார்ச் 28 – டொயோட்டா நிறுவனம் தனது வாடிக்கையாளர்களிடமிருந்து 2003 மற்றும் 2004 ஆம் ஆண்டு மாடல் அவலான் சேடான் கார்களை ‘ஏர் பேக்’ (Air Bag) குறைபாடு காரணமாக திரும்பப் பெற இருக்கின்றது. இதன் எண்ணிக்கை 119,000 ஆகும்.
இது குறித்து அந்நிறுவனம் கூறியதாவது:-
” பயணர் பாதுகாப்பு ‘ஏர் பேக்’ (Air Bag) -ன் மின்சுற்றில் ஏற்பட்ட குறைபாடு காரணமாக, சீட் பெல்ட் Pretensioner திடீரென இறுக்கத்தை ஏற்படுத்தி பயணம் செய்வோருக்கு அசவுகரியத்தை கொடுக்கிறது. இந்தக் குறைபாடு உடனடியாக பழுது பார்க்கப்படும்” என அந்நிறுவனம் கூறியுள்ளது.
டொயோட்டா நிறுவனத்தின் 2011 ஆம் ஆண்டு தயாரிப்பு கார்களில், இதே போன்றதொரு பாதுகாப்புக் குறைபாடு ஏற்பட்டதன் விளைவாக அமெரிக்காவின் நீதித்துறைக்கு 1.2 பில்லியன் அமெரிக்க டாலர்களைக் நஷ்ட ஈடாக கொடுக்க நேர்ந்தது குறிப்பிடத்தக்கது.
Comments
