ஜார்ஜ் டவுன், மே 12 – வரும் மே 25 ஆம் தேதி நடைபெறவுள்ள புக்கிட் குளுகோர் இடைத்தேர்தலில் நான்கு முனைப் போட்டி உருவாகியுள்ளது.
ஜசெக சார்பாக மறைந்த கர்பால் சிங்கின் மகன் ராம் கர்பால் சிங் போட்டியிட அவருக்கு எதிராக சுயேட்சை வேட்பாளர்களாக ஹுவான் செங் குவான் , முகம்மட் நபி பக்ஸ், அபு பக்கார் சித்திக் முகம்மட் ஸான் ஆகியோர் போட்டியிடுகின்றனர்.
டேவான் ஸ்ரீ பினாங்கில் இன்று நடைபெற்ற வேட்புமனுத் தாக்கலில் இவர்கள் நால்வரும் தங்கள் வேட்புமனுவைத் தாக்கல் செய்தனர்.
ஐந்தாவதாக வந்த சுயேட்சை வேட்பாளர் லிம் சீ கூன் (வயது 53) உரிய நேரத்தில் வைப்புத் தொகை செலுத்தாமல், 15 நிமிடம் தாமதமாக வந்ததால் மனுத்தாக்கல் செய்யும் தகுதியை இழந்தார் என்று தேர்தல் ஆணையம் அறிவித்துள்ளது.
