சென்னை, மே 14 – ரஜினிகாந்த் நடிப்பில் உருவாகியுள்ள “கோச்சடையான்’ திரைப்படம் திட்டமிட்டபடி மே 23-ஆம் தேதி உலகம் முழுவதும் வெளியாகும் என அதிகாரப்பூர்வமாக அறிவிக்கப்பட்டுள்ளது.
2 டி மற்றும் 3 டி தொழில்நுட்பங்களில் கடந்த 9-ஆம் தேதி “கோச்சடையான்’ வெளியாகும் என ஏற்கெனவே அறிவிக்கப்பட்டிருந்தது. ஆனால் தொழில்நுட்பக் காரணங்களால் படம் வெளியாவதில் தாமதம் ஏற்பட்டது.
இதையடுத்து மே 23-ஆம் தேதி “கோச்சடையான்’ வெளியாகும் என அறிவிக்கப்பட்டது. இதை படத் தயாரித்துள்ள ஈராஸ் இன்டர்நேஷனல் நிறுவனம் செவ்வாய்க்கிழமை உறுதிப்படுத்தியுள்ளது.
இது குறித்து அந்நிறுவனம் வெளியிட்டுள்ள செய்தியில் கூறியிருப்பதாவது, தொழில் நுட்பக் காரணங்களால் மட்டுமே “கோச்சடையான்’ படத்தை வெளியிடுவதில் தாமதம் ஏற்பட்டது. தற்போது பட வெளியீட்டில் ஏற்பட்டுள்ள சிக்கல்கள் தீர்ந்ததால் மே 23-ஆம் தேதி திட்டமிட்டபடி படம் வெளியாகும் என கூறியுள்ளது.
