குலுமணாலி, ஜூன் 9 – இமாசலப் பிரதேச மாநிலத்தில் சுற்றுலா சென்ற ஹைதராபாதைச் சேர்ந்த பொறியியல் மாணவர்கள் 24 பேர், வெள்ளத்தில் அடித்து செல்லப்பட்டனர். இதில் 5 மாணவர்களின் உடல்கள் இதுவரை மீட்கப்பட்டுள்ளன. மேலும் காணாமல் போன மாணவர்களை தேடும் பணி தீவிரப்படுத்தப்பட்டுள்ளது.
இதுகுறித்து போலீஸ் தரப்பில் கூறப்பட்டதாவது, “ஹைதராபாதைச் சேர்ந்த பொறியியல் மாணவர்கள், இமாசலப் பிரதேச மாநிலத்துக்கு சுற்றுலா சென்றனர். அவர்களில் 6 மாணவிகள், 18 மாணவர்கள், மாண்டி அருகே உள்ள பியாஸ் ஆற்றில் ஞாயிற்றுக்கிழமை மாலை இறங்கி புகைப்படம் எடுத்துக் கொண்டிருந்தனர்.
அப்போது, அங்குள்ள அணையில் இருந்து பியாஸ் ஆற்றில் திடீரென தண்ணீர் திறந்து விடப்பட்டது. இதனால் ஏற்பட்ட வெள்ளப்பெருக்கில் 24 பேரும் இழுத்துச் செல்லப்பட்டனர்.
அவர்களை தேடும் பணி தீவிரப்படுத்தப்பட்டுள்ளது. இதுவரை 5 மாணவர்களின் உடல்கள் மீட்கப்பட்டுள்ளது. மற்றவர்களை தேடும் பணி தீவிரப்படுத்தப்பட்டுள்ளது என தெரிவித்தனர்.
