கோலாலம்பூர், ஜூலை 18 – கிழக்கு உக்ரைனில் கிளர்ச்சியாளர்களால் ஏவுகணை தாக்குதல் நடத்தி வீழ்த்தப்பட்ட மலேசிய விமானம் எம்எச்17 குறித்து கோலாலம்பூர் அனைத்துலக விமான நிலையத்தில் இன்று மாலை 4 மணியளவில் செய்தியாளர் கூட்டம் நடைபெற்றது.
இக்கூட்டத்தில் கலந்து கொண்ட மலேசியப் போக்குவரத்துறை அமைச்சர் லியாவ் தியாங் லாய், இந்த விவகாரத்தில் மலேசியாவின் அடுத்த கட்ட நடவடிக்கைகள் குறித்து விளக்கமளித்தார்.
மேலும், எரிபொருளை சிக்கனப்படுத்துவதற்காக போர் நடக்கும் ரஷ்யா – உக்ரைன் எல்லைப் பகுதி வழியான பாதையை மலேசியா ஏர்லைன்ஸ் விமானம் எம்எச் 17 தேர்ந்தெடுத்ததா? என்ற கேள்விக்கு, லியாவ், “இல்லை” என்று மறுத்துள்ளார்.
மலேசிய ஏர்லைன்ஸ் விமானம் பல ஆண்டுகளாக அந்த வழியில் தான் பறந்து கொண்டிருக்கின்றது. மலேசிய ஏர்லைன்ஸ் விமானம் மட்டுமல்ல, நிறைய விமானங்கள் அந்த வழியில் தான் சென்று கொண்டிருக்கின்றன” என்றும் லியாவ் பதிலளித்துள்ளார்.
