கேமரன் மலை, நவம்பர் 6 – கேமரன் மலையில் நேற்று இரவு ஏற்பட்ட நிலச்சரிவு மற்றும் வெள்ளப்பெருக்கில் பலியானவர்களின் எண்ணிக்கை 3 ஆக உயர்ந்துள்ளது.
கோலா தெர்லா அருகே வெள்ளத்தில் அடித்துச் செல்லப்பட்ட 13 வயது ஆர். துணேஷ் என்ற சிறுவனின் உடல் அங்கிருந்து 5 கிலோமீட்டர் தொலைவில் கண்டெடுக்கப்பட்டுள்ளதாக கேமரன் மலை ஓசிபிடி துணைத் தலைவர் முகமட் சஹாரி வான் புசு தெரிவித்துள்ளார்.
இது தவிர, அனிபன் (வயது 48) என்ற இந்தோனேசியரும், முகமட் யூசோப் மியா (வயது 66) என்ற நேபாள நாட்டைச் சேர்ந்தவரும் தங்களது வீடுகளில் ஏற்பட்ட நிலச்சரிவில் மண்ணில் புதையுண்டு பலியாகியுள்ளனர்.
