புதுடில்லி, ஜனவரி 26 – இந்தியாவின் உயரிய விருதான பத்ம விருதுகள் இன்று அறிவிக்கப்பட்டுள்ளன. பத்ம விபூஷண், பத்ம பூஷண் மற்றும் பத்ம ஸ்ரீ ஆகிய பிரிவுகளில் விருதுகள் வழங்கப்படவுள்ளன.
ஒவ்வொரு வருடமும் ஜனவரி 26-ம் தேதி இந்தியாவின் குடியரசு தினத்தன்று சமூக சேவை, அறிவியல், பொறியியல், வர்த்தகம், மருத்துவம், கல்வி, விளையாட்டு உள்ளிட்ட பல்வேறு துறைகளில் சாதனை படைத்தவர்களுக்கு இந்த விருதுகள் வழங்கப்பட்டு வருகின்றன.
இந்த ஆண்டு 9 பத்ம விபூஷண், 20 பேருக்கு பத்ம பூஷண், 75 பேருக்கு பத்ம ஸ்ரீ விருது வழங்கப்படவுள்ளது. இவர்களில் 17 பேர் பெண்கள். 17 பேர் வெளிநாட்டினர் மற்றும் 1 வெளிநாடு வாழ் இந்தியர் என்பது குறிப்பிடத்தக்கது.
பாஜக மூத்த தலைவர் அத்வானி, நடிகர் அமிதாப் பச்சன், தமிழகத்தை சேர்ந்த பேராசிரியர் மலூர் ராமசாமி, நடிகர் திலீப் குமார் ஆகியோருக்கு பத்ம விபூஷண் வழங்கப்படவுள்ளன.
பாடகி சுதா ரகுநாதனுக்கு பத்ம பூஷண் விருது கிடைத்துள்ளது.
