தைப்பே, பிப்ரவரி 4 – தைவானின் தலைநகரான தைப்பேயில் இன்று காலை 53 பயணிகள் மற்றும் 5 விமானப் பணியாளர்களுடன் புறப்பட்ட டிரான்ஸ் ஆசியா விமானம் பாலம் ஒன்றில் மோதி, அருகே இருந்த கீலூங் ஆற்றில் விழுந்து நொறுங்கியது.
இந்த விபத்தில் இருவர் பலியாகியுள்ளதாகவும், பலர் காயமடைந்திருப்பதாகவும் தற்போது அதிகாரப்பூர்வமற்ற தகவல்கள் வெளிவந்துள்ளன.
விரைவில் இது குறித்த அதிகாரப்பூர்வ தகவல்கள் வெளியாகும் என எதிர்பார்க்கப்படுகின்றது.
விமானம் விபத்திற்குள்ளான போது, தற்செயலாக வாகனம் ஒன்றின் கேமரா வழியாகப் பதிவான காணொளியை பல்வேறு முக்கிய செய்தி இணையத்தளங்கள் வெளியிட்டுள்ளன.
அந்த காணொளியை இங்கே காணலாம்:
