பெங்களூரு, பிப்ரவரி 18 – இரண்டு ஆண்டுகளுக்கு ஒருமுறை பெங்களூருவில் நடந்து வரும் ‘ஏரோ இந்தியா’ விமான கண்காட்சி ஆசியாவிலேயே மிகப்பெரியதாகும்.
அந்த வகையில், இந்த ஆண்டு 10-வது அனைத்துலக விமான கண்காட்சி பெங்களூருவில் உள்ள யெலகன்கா ஏர் போர்ஸ் என்ற இடத்தில் இன்று துவங்கியது.
5 நாட்கள் நடைபெறும் இந்த கண்காட்சியை பிரதமர் நரேந்திர மோடி துவங்கி வைத்தார். இந்த கண்காட்சியில் விமானம் தயாரிக்கும் 328 வெளிநாட்டு நிறுவனங்கள், 295 இந்திய நிறுவனங்கள் கலந்து கொள்கின்றன.
குறிப்பாக, பிரான்ஸை சேர்ந்த பிரபல விமான தயாரிப்பு நிறுவனமான டாஸால்ட்டுடன் 126 விலை மதிப்பு மிக்க ரேபல் பைட்டர் விமானங்களை வாங்கும் திட்டமும் கையெழுத்தாகிறது.
இதுதவிர, சென்ற காங்கிரஸ் ஆட்சியில் ஹெலிகாப்டர் ஊழலில் சிக்கிய, பின்மெக்கானிக்கா நிறுவனமும் இதில் கலந்து கொள்கிறது. இந்த விமான கண்காட்சியில் பிரதமர் மோடி ரேபல் பைட்டர் விமானங்களை ஓட்டி மக்களை ஆச்சரியத்தில் ஆழ்த்தியதாகவும் தகவல்கள் வெளியாகியுள்ளன.
1996-ல் பிரதமராக இருந்த தேவகவுடாவுக்கு பிறகு மனைத்துலக விமான கண்காட்சியை துவங்கி வைக்கும் இரண்டாவது பிரதமர் நரேந்திர மோடி என்பது குறிப்பிடத்தக்கது.
