சவா பவுலோ, ஏப்ரல் 3 – பிரேசிலில் கட்டுமான பணி நடைபெற்ற வீட்டின் கூரை மேல் ஹெலிகாப்டர் விழுந்து 4 பேர் உயிரிழந்துள்ளனர். பிரேசிலில் உள்ள கராபிகியூபா என்ற நகரத்தின் போர்ட்டோ விட்டோரியா என்ற குடியிருப்பு வளாகத்தில் கட்டுமான பணி நடைபெற்று வந்தது.
அப்போது அந்த வழியாக சென்ற பிரேசில் விமானப்படைக்கு சொந்தமான ஹெலிகாப்டர் ஒன்று அந்த கட்டுமான குடியிருப்பு மீது விழுந்தது. இந்த விபத்தில் நான்கு பேர் உயிரிழந்தனர்.
கட்டிடம் மீது ஹெலிகாப்டர் விழுந்ததையொட்டி தீயணைப்புப்படை வீரர்கள் விரைந்து வந்து மீட்பு பணியில் ஈடுபட்டனர். விபத்துக்கான காரணம் குறித்து விசாரணை நடத்தி வருகின்றனர். இறந்தவர்கள் யார் என்று அடையாளம் கண்டு தகவல் தெரிவிக்கவுள்ளதாகவும் பிரேசில் விமானப்படை அலுவலகம் தெரிவித்துள்ளது.
