புக்கிட் மெர்தாஜாம், ஏப்ரல் 23 – பெர்மாத்தாங் பாவ் தொகுதி இடைத்தேர்தலில் தேசிய முன்னணி வேட்பாளராக சுஹைமி சாபுடின் (வயது 44) தேர்ந்தெடுக்கப்பட்டுள்ளார்.
இதற்கான அறிவிப்பை துணைப்பிரதமர் டான்ஸ்ரீ மொகிதின் யாசின் இன்று வெளியிட்டார்.
இந்நிலையில், பிகேஆர் கட்சி அதன் வேட்பாளரை வரும் வெள்ளிக்கிழமை இரவு அறிவிக்கும் என எதிர்ப்பார்க்கப்படுகிறது.
வரும் ஏப்ரல் 25-ம் தேதி பெர்மாத்தாங் பாவ் நாடாளுமன்ற தொகுதி இடைத்தேர்தலுக்கான வேட்புமனு தாக்கலும், மே 7-ம் தேதி வாக்களிப்பும் நடைபெறும் என தேர்தல் ஆணையம் அறிவித்துள்ளது.
ஓரினப்புணர்ச்சி வழக்கில் தண்டனை உறுதிப்படுத்தப்பட்டு எதிர்கட்சித் தலைவரும், பெர்மாத்தாங் பாவ் நாடாளுமன்ற உறுப்பினருமான டத்தோஸ்ரீ அன்வார் இப்ராகிம், சிறையில் அடைக்கப்பட்டதால், அவரது தொகுதியில் இடைத்தேர்தல் நடைபெறவுள்ளது குறிப்பிடத்தக்கது.
