முன்பை, மே 6 – இந்தி நடிகர் சல்மான் கான் கார் ஓட்டி விபத்து ஏற்படுத்தியதாக தொடரப்பட்ட வழக்கில் மும்பை நீதிமன்றம் இன்று தீர்ப்பு வழங்குகிறது.
மும்பையில் 2002 செப்டம்பர் 28-ல் சல்மான் கான் ஓட்டிச் சென்ற கார் சாலையோரம் உறங்கிக் கொண்டிருந்தவர்கள் மீது ஏறியதில் ஒருவர் உயிரிழந்தார், 4 பேர் காயமடைந்தனர்.
இந்த விபத்து தொடர்பாக சல்மான் கான் மீது தொடரப்பட்ட வழக்கில் மும்பை அமர்வு நீதிமன்ற நீதிபதி தேஷ்பாண்டே இன்று தீர்ப்பு அளிக்க உள்ளார். சல்மான் கான் குற்றவாளி என அறிவிக்கப்பட்டால்,
குறைந்தது 10 ஆண்டுகள் சிறை தண்டனை விதிக்கப்படும் என தகவல் வெளியாகியுள்ளது. எனினும், இந்த விபத்தின்போது, காரை தான் ஓட்டவில்லை என்று நீதிமன்றத்தில் சல்மான் கான் கூறியுள்ளார்.
