சென்னை, மே 7 – சென்னையில் ‘திவோ’ என்ற நிறுவனம் சார்பில் ‘சலோ சலோ‘ பாடல் வெளியீட்டு விழா நேற்று இரவு நடந்தது. இதில் சென்னை சூப்பர் கிங்ஸ் அணியின் கேப்டன் டோனி, தனது மகள், மனைவியுடன் கலந்துகொண்டார்.
இந்நிகழ்ச்சியில், சென்னை அணி வீரர் பிராவோ ‘சலோ சலோ‘ பாடலை பாடியுள்ளார். இந்த விழாவில் கிறிஸ் கெய்ல், ஜடேஜா, சுமித், ஆசிஷ் நெஹ்ரா, மைக் ஹஸ்சி, பயிற்சியாளர் ஸ்டீபன் பிளமிங் ஆகியோரும் கலந்து கொண்டனர்.
இந்த நிகழ்ச்சியில் பாடலுடன் நடனம் ஆடிய பிராவோ கூறுகையில்; “நான் உலா என்ற தமிழ் படத்தில் ஏற்கனவே நடித்து இருக்கிறேன். இந்தி நடிகர்களில் ஷாருக்கானையும், தீபிகா படுகோனையும் எனக்கு மிகவும் பிடிக்கும்”.
“மேலும் படங்களில் நடிக்கும் ஆர்வத்துடன் இருக்கிறேன். சென்னையில் எனக்கு பிடித்த உணவு பிரியாணி. இங்குள்ள தெருக்களில் நடந்து சென்று மாம்பழங்களை வாங்கி சென்று இருக்கிறேன்”.
“இது எனது சொந்த ஊரான டிரினி டாட்டை சென்னை நகரம் நினைவுப்படுத்துகிறது. இரண்டு இடங்களிலுமே இசையை விரும்பும் சாதாரண மக்கள் இருக்கிறார்கள்” என்று கூறியுள்ளார்.
மேலும், “இந்திய இசையை நான் மிகவும் விரும்புகிறேன் என்றும், ரிங்கா…ரிங்கா.., லுங்கி டான்ஸ் போன்ற பாடல் எனக்கு பிடிக்கும் எனவும்” அவர் தெரிவித்துள்ளார்.
