சென்னை, மே 9 – சென்னை சூப்பர் கிங்ஸ் அணியுடனான ஐபிஎல்-8ன் லீக் ஆட்டத்தில், மும்பை அணி 6 விக்கெட் வித்தியாசத்தில் அபாரமாக வெற்றி பெற்றது.
சேப்பாக்கம் எம்.ஏ.சிதம்பரம் மைதானத்தில் நேற்று இரவு நடந்த இப்போட்டியில், டாஸ் வென்ற சென்னை சூப்பர் கிங்ஸ் அணி முதலில் பேட் செய்தது.
20 ஓவரில் சென்னை அணி 5 விக்கெட் இழப்புக்கு 158 ரன் குவித்தது. மும்பை பந்துவீச்சில் மெக்லநாகன், சுசித், வினய் குமார், ஹர்பஜன் சிங் தலா ஒரு விக்கெட் வீழ்த்தினர்.
இதைத் தொடர்ந்து 20 ஓவரில் 159 ரன் எடுத்தால் வெற்றி என்ற இலக்குடன் மும்பை இந்தியன்ஸ் களமிறங்கியது. அந்த அணி 18-வது ஓவரில் 129 ரன் மட்டுமே எடுத்திருந்தது.
19-வது ஓவரில் யாரும் எதிர்பாரத வகையில் பாண்டைய 3 சிக்சர் அடித்து திருப்பு முனையை ஏற்படுத்தினார். இதனால் உற்சாகமடைந்த ராயுடுவும் தனது பங்குக்கு 1 சிக்சர் அடித்தார்.
இதனால் மும்பை இந்தியன்ஸ் 19.2 ஓவரில் 4 விக்கெட் இழப்புக்கு 159 ரன் எடுத்து அசத்தல் வெற்றி பெற்றது. 8 பந்தில் 21 ரன் எடுத்த பாண்டயாவுக்கு ஆட்ட நாயகன் விருது வழங்கப்பட்டது.
