கோலாலம்பூர் – மலேசியாவில் கடப்பிதழ் (Passport) புதுப்பிக்கவோ அல்லது புதிதாக விண்ணப்பிக்கவோ விரும்புவர்கள், இனி மணிக்கணக்கில் வரிசையில் நின்று பெற வேண்டிய நிலை ஏற்பட்டுள்ளது.
கடப்பிதழ் பற்றாக்குறை காரணமாக இந்த நிலை இன்னும் 6 மாதங்களுக்கு இருக்கும் என குடிநுழைவு இலாகா அறிவித்துள்ளது.
கூடுதல் பாதுகாப்பு அம்சங்கள் நிறைந்த புதிய கடப்பிதழை அறிமுகம் செய்யத் திட்டமிட்டுள்ள காரணத்தால் தான் இந்த நெருக்கடி நிலை ஏற்பட்டுள்ளதாக குடிநுழைவு இலாகாவின் பொது இயக்குநர் டத்தோ சாஹிப் குஷ்மி தெரிவித்துள்ளார்.
“இந்த மாற்றத்தை (புதிய கடப்பிதழ்) ஒரே நாள் இரவில் செய்துவிட முடியாது. புதிய கடப்பிதழ் மிக நேர்த்தியாக இருப்பதை உறுதி செய்ய வேண்டும். அதற்கு சராசரியாக 6 மாதங்கள் எடுக்கும். ஆகவே குடிநுழைவு இலாகாவும், கடப்பிதழ் தயாரிப்பாளரும் போதுமான கடப்பிதழ்களை விநியோகம் செய்ய இயலும் என்பதை உறுதி செய்து கொள்ள வேண்டும்” என்று சாஹிப் தெரிவித்துள்ளார்.
