சென்னை – நேற்று சனிக்கிழமை (3 ஆகஸ்ட்) இரவு ஸ்டார் விஜய் தொலைக்காட்சியில் ஒளியேறிய பிக்பாஸ் 3 நிகழ்ச்சியில் இந்த முறை வெளியேற்றப்பட பரிந்துரைக்கப்பட்டவர்களில் ஒருவரான மதுமிதா காப்பாற்றப்பட்டுள்ளதாக கமல்ஹாசன் அறிவித்தார்.
இந்த வாரம் 5 பேர் பிக்பாஸ் இல்லத்திலிருந்து வெளியேற்றப்பட சக பங்கேற்பாளர்களால் பரிந்துரைக்கப்பட்டிருந்தனர்.கவின், மதுமிதா, ரேஷ்மா, சாக்ஷி, அபிராமி ஆகியோரே அந்த ஐவராவர்.
நேற்று சனிக்கிழமை நிகழ்ச்சியில் பங்கேற்பாளர்களுடன் கலந்துரையாடிய கமல்ஹாசன், நிகழ்ச்சியின் இறுதியில் மதுமிதா காப்பாற்றப்படுவதாக அறிவித்தார்.
மதுமிதா காப்பாற்றப்படுவது இது இரண்டாவது முறையாகும்.
மற்றவர்களில் யார் வெளியேற்றப்படுவார்கள், யார் காப்பாற்றப்படுவார்கள் என்பதை நாளை (அதாவது இன்று ஞாயிற்றுக்கிழமை) நிகழ்ச்சியில் தெரிவிப்பதாகக் கூறி நிகழ்ச்சியை முடித்துக் கொண்டார் கமல்ஹாசன்.
