புதுடெல்லி – இந்தியாவின் 13-வது துணை அதிபராக வெங்கய்யா நாயுடு இன்று வெள்ளிக்கிழமை பதவியேற்றார்.
இந்திய அதிபர் ராம்நாத் கோவிந்த் அவருக்குப் பதவிப் பிரமாணம் செய்து வைத்தார்.
இவ்விழாவில் பிரதமர் நரேந்திர மோடி உட்பட பல்வேறு மாநிலங்களைச் சேர்ந்த முக்கியத் தலைவர்கள் கலந்து கொண்டனர்.
கடந்த ஆகஸ்ட் 5-ம் தேதி, நடைபெற்ற துணை அதிபருக்கான தேர்தலில் 98.21% வாக்குகள் பதிவாகின. அதில், பாஜக சார்பில் போட்டியிட்ட வெங்கய்யா நாயுடு 516 வாக்குகள் பெற்று வெற்றி பெற்றார்.
அவரை எதிர்த்துப் போட்டியிட்ட மகாத்மா காந்தியின் பேரன் கோபால கிருஷ்ண காந்தி 244 வாக்குகள் பெற்றார் என்பது குறிப்பிடத்தக்கது.
Comments
