பாக்கு (அசர்பைஜான்) : ஐரோப்பியக் கிண்ணத்திற்கான ஈரோ 2020 காற்பந்து போட்டிகளில் நேற்று புதன்கிழமை (ஜூன் 16) நள்ளிரவு நடைபெற்ற ஆட்டத்தில் வேல்ஸ்-துருக்கி இருநாடுகளும் மோதின.
அசர்பைஜான் நாட்டின் தலைநகர் பாக்குவில் இந்த ஆட்டம் நடைபெற்றது.
இதில் வேல்ஸ் 2-0 என்ற கோல்கணக்கில் துருக்கியைத் தோற்கடித்தது. இதைத் தொடர்ந்து ‘ஏ’ பிரிவில் இடம் பெற்றிருக்கும் துருக்கி தொடர்ந்து அடுத்த சுற்றுக்கு செல்ல முடியாத நிலைமைக்குத் தள்ளப்பட்டிருக்கிறது. இன்னும் ஓர் ஆட்டம் மட்டுமே துருக்கிக்கு எஞ்சியிருக்கிறது.
நேற்றைய ஆட்டத்தில் வெற்றி பெற்றதன் வழி ‘ஏ’ பிரிவில் 4 புள்ளிகளுடன் இரண்டாவது இடத்தில் வேல்ஸ் இருக்கிறது. 6 புள்ளிகளுடன் முதலிடத்தைப் பெற்றிருப்பது இத்தாலி.
