சென்னை, ஜன 21- ‘மாணிக்கம்’ என்ற படத்தில் ராஜ்கிரணுக்கு ஜோடியாக நடித்தவர் வனிதா விஜயகுமார். இவர் நடிகர் விஜயகுமார்-மஞ்சுளா தம்பதியின் மூத்த மகள் ஆவர். இவர் நடன ஆசிரியரான ராபர்ட்டை 3-வது திருமணம் செய்து கொள்கிறார்.
இவர் முதலில் நடிகர் ஆகாஷ் என்பவரை திருமணம் செய்து கொண்டார். ஆகாஷ் மூலம் வனிதாவுக்கு ஸ்ரீஹரி என்ற மகன் இருக்கிறான். இரண்டு பேருக்கும் கருத்து வேறுபாடு ஏற்பட்டதால் பிரிந்துவிட்டனர்.
அதன்பிறகு வனிதா, தொழில் அதிபரான ஆனந்தராஜ் என்பவரை 2-வது திருமணம் செய்து கொண்டார். அவர் மூலம் வனிதாவுக்கு ஒரு பெண் குழந்தை இருக்கிறது. கடந்த வருடம் 2 பேருக்கும் கருத்து வேறுபாடு ஏற்பட்டது. அதைத் தொடர்ந்து இருவரும் பிரிந்து விட்டார்கள்.
இந்த நிலையில் வனிதாவுக்கும் தற்போது நடன ஆசிரியரான ராபர்ட்டுக்கும் இடையே காதல் மலர்ந்திருக்கிறது. ராபர்ட்டை வனிதா 3-வது திருமணம் செய்து கொள்ள முடிவு செய்திருக்கிறார்.
