ராமேஸ்வரம், ஜூலை 30- அப்துல் கலாம் நல்லுடல் வைக்கப்பட்டிருந்த ஜான்சா பள்ளி வாசலில் சிறப்புத் தொழுகை நடைபெற்றது. சிறப்புத் தொழுகையைத் தொடர்ந்து அப்துல் கலாமின் இறுதி ஊர்வலம் தொடங்கியது.
இறுதிச் சடங்கில் பங்கேற்கச் சிறப்பு விமானம் மூலம் பிரதமர் நரேந்திர மோடி மதுரை வந்தடைந்தார்; மதுரையில் இருந்து ஹெலிகாப்டர் மூலம் ராமேஸ்வரம் வந்து சேர்ந்தார்; கலாமின் நல்லுடலுக்கு இறுதி மரியாதையும் கண்ணீர் அஞ்சலியும் செலுத்தினார்.
பின்னர், அப்துல் கலாமின் நல்லுடல் ராணுவ வாகனம் மூலம் ஊர்வலமாகச் சென்று இறுதிச் சடங்கு நடைபெறும் பேய்க்கரும்பு மைதானத்திற்கு வந்தது.
அப்போது சாலையின் இருபுறங்களிலும் நின்று பூக்களைத் தூவி அஞ்சலி செலுத்திய இளைஞர்கள் ‘பாரத் மாதாகி ஜெய்’ என முழக்கமிட்டனர்.
