சென்னை – அன்புமணி ராமதாஸை, முதல்வர் வேட்பாளராக தேமுதிக ஏற்றுக்கொண்டால் எங்களது கூட்டணியில் அவர்களை வரவேற்க நாங்கள் தயார் என்று பாமக நிறுவனர் டாக்டர் ராமதாஸ் தெரிவித்துள்ளார்.
தைலாபுரம் தோட்டத்தில் நடந்த பத்திரிக்கையாளர்கள் சந்திப்பின் போது இதுகுறித்து ராமதாஸ் கூறியதாவது:-
“எங்கள் கட்சி சார்பில் அன்புமணியை முதல்வர் வேட்பாளராக அறிவித்துள்ளோம். இதை ஏற்று தேமுதிக எங்களோடு கூட்டணிக்கு வந்தால் அவர்களை ஏற்றுக் கொள்ள தயாராக இருக்கிறோம்” என்று அவர் தெரிவித்துள்ளார்.
ஸ்டாலினை ஏற்றுக் கொள்ளும் மனநிலைக்கு விஜயகாந்த் வந்தாலும் வருவார், கண்டிப்பாக அன்புமணியை அவர் ஏற்றுக் கொள்ளமாட்டார் என்றே அரசியல் விமர்சகர்கள் தெரிவிக்கின்றனர்.
