(எந்திரன் பட கடைசி நாள் படப்பிடிப்பு – கோப்பு படம்)
சென்னை – கபாலி படத்தின் படப்பிடிப்பு பெரும்பகுதி முடிந்துள்ளதாக செய்திகள் வந்துகொண்டிருக்கும் நிலையில், சென்னையில் சத்தமில்லாமல் எந்திரன் 2 படத்திற்கான பூஜை மிக எளிமையாக நடந்துள்ளதாக தகவல்கள் வந்துள்ளன.
பாகுபாலியை மிஞ்சும் வகையில், பல்வேறு பிரமாண்ட காட்சிகளுடன் உருவாக இருப்பதாக கூறப்படும் எந்திரன் 2-விற்காக சமீபத்தில் இயக்குனர் ஷங்கரும், நடிகர் ரஜினிகாந்தும் அமெரிக்கா சென்று வந்தனர். இந்நிலையில், படத்திற்கான அறிவிப்பு முதல் அனைத்தையும் பிரம்மாண்டமாக காட்ட திட்டமிட்டிருந்த படக்குழு, சென்னை வெள்ளம் காரணமாக அதனை தவிர்த்து எளிமையை கடைபிடித்துள்ளதாக கூறப்படுகிறது.
தயாரிப்புக்குழு, இயக்குனர் ஷங்கரின் குழுவினர் மற்றும் சில முக்கிய நபர்கள் மட்டுமே இந்த நிகழ்ச்சியில் கலந்து கொண்டதாக கூறப்படுகிறது. இப்படத்திற்கான படப்பிடிப்பு வரும் 14-ம் தேதி முதல் தொடங்க இருப்பது கூடுதல் தகவலாகும்.
