மும்பை – இந்திய சுற்றுலாத்துறை அமைச்சகத்தின் ‘இன்க்ரெடிபிள் இந்தியா’ பிரச்சாரத்தின் புதிய தூதுவர்களாக பாலிவுட் மூத்த நடிகர் அமிதாப் பச்சன் மற்றும் பிரியங்கா சோப்ரா நியமிக்கப்பட்டுள்ளனர். இது தொடர்பான அறிவிப்புகள் இன்று வெளியாகி உள்ளன.
முன்னதாக ‘இன்க்ரெடிபிள் இந்தியா’ பிரச்சாரத்தின் தூதுவராக இருந்த நடிகர் அமீர்கான், இந்திய மதசகிப்புத் தன்மை குறித்து விமர்சித்ததால் அப்பதவியில் இருந்து விடுவிக்கப்பட்டார். எனினும், அவரின் பதவி விடுவிப்பு குறித்து இந்திய சுற்றுலாத்துறை அமைச்சகம் எவ்வித தகவல்களையும் வெளியிடவில்லை.
