Home Featured கலையுலகம் ‘இது நம்ம ஆளு’ படம் இணையத்தில் வெளியீடு – காவல் ஆணையரிடம் டி.ராஜேந்தர் புகார்!

‘இது நம்ம ஆளு’ படம் இணையத்தில் வெளியீடு – காவல் ஆணையரிடம் டி.ராஜேந்தர் புகார்!

291
0
SHARE

Idhu-Namma-Aalu-Tamil-2016-500x500சென்னை – இது நம்ம ஆளு திரைப்படம் இணையதளங்களில் வெளியானதாக, படத்தின் தயாரிப்பாளர்களில் ஒருவரான டி.ராஜேந்தர் சென்னை  காவல் ஆணையரிடம் புகார் கொடுத்திருக்கிறார்.

இது நம்ம ஆளு படம் நன்றாக இருப்பதாக ரசிகர்கள் பாராட்டி வருகின்றனர். இந்நிலையில் இது நம்ம ஆளு படம் இணையத்தில் வெளியாகி படக்குழுவுக்கு அதிர்ச்சியை ஏற்படுத்தியுள்ளது.

இது தொடர்பாக டி.ராஜேந்தர் காவல் ஆணையர் அலுவலகத்தில் கொடுத்த புகாரில் ”எங்கள் நிறுவனம் பலகோடி ரூபாய் செலவு செய்து ‘இது நம்ம ஆளு’ படத்தை தயாரித்தது.

rajendarபல பேர் இரவும் பகலுமாக உழைத்து இது நம்ம ஆளுவை உருவாக்கினர். எனது மகன் சிலம்பரசன் நடிப்பில் கடந்த 27-ஆம் தேதி இப்படம் வெளியானது. ஆனால் படம் வெளியான அடுத்த நாளே இணையத்தில் இப்படம் வெளியாகி விட்டது.

தயவு செய்து இதனைத் தடுத்து நிறுத்தி உடனடியாக நடவடிக்கை எடுக்குமாறு கேட்டுக் கொள்கிறேன். இதனைத் தடுத்து நிறுத்தாவிடில் எனக்கு பலகோடி ரூபாய் நஷ்டம் ஏற்படும்” என்று கூறியிருக்கிறார்.

இப்படத்தை இணையத்தில் வெளியிட்டவர்கள் மீது கடும் நடவடிக்கை எடுக்குமாறு கேட்டுக் கொண்ட டி.ராஜேந்தர், படம் வெளியான இணையதளங்களின் பட்டியலையும் கமிஷனர் அலுவலகத்தில் கொடுத்திருக்கிறார்.

Comments