பாரிஸ்: ஐரோப்பியக் கிண்ணக் காற்பந்து தொடரில் இன்று நடைபெற்ற முதல் ஆட்டத்தில் இங்கிலாந்து 2 -1 என்ற கோல் எண்ணிக்கையில் வேல்சை வெற்றி கொண்டதன் மூலம் இரண்டாவது சுற்றுக்கு தகுதி பெறும் வாய்ப்பைப் பெற்றுள்ளது.
இங்கிலாந்து நாட்டுக்கான கோலைப் போட்ட உற்சாகத்தில் இங்கிலாந்து ஆட்டக்காரர் வார்டி…
முதல் பாதி ஆட்டத்தில் வேல்ஸ் ஒரு கோல் போட்டு இங்கிலாந்து அணியை அதிர்ச்சிக்குள்ளாக்கியது. முதல் பாதி ஆட்டம் முடியும் வரை வேல்ஸ் 1-0 என்ற நிலையில் முன்னணியில் இருந்தது.
இரண்டாவது பாதி ஆட்டத்தில் இங்கிலாந்து ஒரு கோல் போட்டு ஆட்டத்தை சமநிலைக்குக் கொண்டு வந்தது. 90 நிமிட ஆட்டம் முடிந்த நிலையிலும் இரண்டு அணிகளுமே சமநிலையில் இருந்தன.
ஆனால், கூடுதலாக வழங்கப்பட்ட 3 நிமிடங்களில் இங்கிலாந்தின் ஆட்டக்காரர் ஸ்டரிஜ் போட்ட கடைசி நிமிடக் கோலால் இங்கிலாந்து அணி வெற்றி பெற்றது.
கோல் அடிக்க முயற்சி செய்யும் இங்கிலாந்து ஆட்டக்காரர் வெய்ன் ரூனி…
