ரியோ டி ஜெனிரோ – அமெரிக்காவின் மைக்கல் பெல்ப்ஸ் நேற்று தான் பங்கு பெற்ற இறுதி நீச்சல் போட்டியில் 23வது தங்கத்தை வென்று சாதனை படைத்தார்.
நேற்று இரவு (பிரேசில் நேரப்படி – மலேசிய நேரப்படி இன்று ஞாயிற்றுக்கிழமை காலை) நடைபெற்ற ஆண்களுக்கான, 4 X 100 மீட்டர் கலப்பு தொடர் நீச்சலில், (Medley – Relay) அமெரிக்கக் குழு முதல் இடத்தைப் பெற்றதைத் தொடர்ந்து, அந்தக் குழுவில் இடம் பெற்றிருந்த பெல்ப்ஸ் தங்கப் பதக்கம் பெற்றார்.
இதனைத் தொடர்ந்து 23வது தங்கத்தைப் பெற்று மாபெரும் சாதனை புரிந்துள்ளார் பெல்ப்ஸ்.
பெல்ப்ஸ் 23வது தங்கம் பெற்ற காட்சியை அவரது மனைவியும் கைக்குழந்தையும் பார்வையாளர்கள் மேடையில் இருந்து கண்டு களித்தனர் என்பது பெல்ப்ஸ் வாழ்க்கையின் மற்றொரு நெகிழ்ச்சியான தருணமாகும்.
