ரியோ டி ஜெனிரோ – (மலேசிய நேரம் 9.00 மணி நிலவரம்) பூப்பந்து விளையாட்டில் உலகின் முதல் நிலை ஆட்டக்காரர் லின் டான். ஏற்கனவே, பல உலகப் பட்டங்களைப் பெற்றவர். ஒலிம்பிக்சில் இரண்டு முறை தங்கம் வென்றவர்.
பூப்பந்து விளையாட்டில் சீன ‘மாமலை’யான இவருடன் இன்று கால் இறுதி ஆட்டத்தில் மோதிய ஸ்ரீகாந்த் முதல் ஆட்டத்தில் தோல்வி அடைந்தார். லின் டான்னிடம் ஸ்ரீகாந்த் தோல்வியடைவார் என்பது எதிர்பார்க்கப்பட்டதுதான்.
ஆனால், எதிர்பாராதவிதமாக, இரண்டாவது (செட்) ஆட்டத்தில் 21-11 புள்ளிக் கணக்கில் லின் டானைத் தோற்கடித்து அதிர்ச்சியை ஏற்படுத்தியுள்ளார் ஸ்ரீகாந்த்.
தற்போது 3-வது செட் ஆட்டம் நடைபெற்று வருகின்றது. இதிலும் ஸ்ரீகாந்த் வென்று சாதனை படைப்பாரா? காத்திருக்கிறது இந்தியா!
