கோலாலம்பூர் – டத்தோஸ்ரீ ஹிஷாமுடின் துன் ஹூசேன் ஓனின் புதிய நியமனம், விரைவில் நஜிப் பதவி விலகுவார் என்பதற்கான அறிகுறி என்று பார்ட்டி அமானா நெகாரா கட்சியின் துணைத் தலைவர் சாலாஹூடின் அயூப் தெரிவித்திருக்கிறார்.
தனது டுவிட்டர் பக்கத்தில் அவர் இந்தக் கருத்தை வெளியிட்டிருக்கிறார்.
முன்னாள் துணைப் பிரதமர் மொகிதின் யாசினுக்கு நேர்ந்த அதே நிலைமை சாஹிட் ஹாமிடிக்கு நேர்ந்தாலும் ஆச்சரியப்படுவதற்கில்லை என்றும் சாலாஹூடின் மலேசியாகினி செய்தித் தளத்திற்கு வழங்கிய பேட்டியில் கூறியுள்ளார்.
