குப்பெர்டினோ (கலிபோர்னியா) – ஆப்பிள் நிறுவனம் தனது புதிய தயாரிப்புத் திறன்பேசியான ‘ஐபோன் எக்ஸ்’-ஐ நேற்று செவ்வாய்க்கிழமை அறிமுகப்படுத்தியது.
10 ஆண்டுகளுக்கு முன்பு இதே நாளில் தான் தனது முதல் திறன்பேசியை ஆப்பிள் அறிமுகம் செய்தது குறிப்பிடத்தக்கது.
இந்த ஐபோன் எக்ஸ் கண்ணாடியால் ஆனதோடு, அதனைப் பாதுகாக்க எஃகு தகட்டால் ஆன வெளிப்புற அமைப்பும் உள்ளது.
அதுமட்டுமின்றி, வயர்லெஸ் சார்ஜிங், முகத்தை அடையாளம் காணும் தொழில்நுட்பம், இன்பிராரெட் கேமரா உள்ளிட்ட புதிய அம்சங்களும் சேர்க்கப்பட்டிருக்கின்றன.
அமெரிக்காவில் இதன் விலை 999 டாலர்கள் ஆகும்.
மேலும், அதே விழாவில், தனது ஐபோன் 8 மற்றும் 8 பிளஸ் போன்களையும் ஆப்பிள் அறிமுகம் செய்திருக்கிறது.
அவை அதன் முந்தைய தயாரிப்பான ஐபோன் 7 மற்றும் 7 பிளஸ் போன்களில் இருந்து சில மாறுதல்களோடு வெளிவந்திருக்கின்றன.
மேற்ச்சொன்ன மூன்று இரக திறன்பேசிகளிலுமே வயர்லெஸ் சார்ஜிங் வசதி முக்கியச் சிறப்பம்சமாகக் கூறப்பட்டிருக்கிறது.
ஆப்பிள் நிறுவனத்தின் தலைமைச் செயலதிகாரி டிம் குக் நேற்று செவ்வாய்க்கிழமை இம்மூன்று திறன்பேசிகளோடு, ஆப்பிள் நிறுவனத்தின் கைக்கடிகாரம் 3-ம் வரிசையையும் அறிமுகம் செய்து வைத்தார்.
ஐபோன் எக்ஸ் திறன்பேசியின் தொழில்நுட்ப வசதிகளை காணொளி வடிவில் காணலாம் இந்த இணைப்பைச் சொடுக்கவும்:
