சென்னை – 5 நாட்கள் பரோல் நேற்று புதன்கிழமையோடு நிறைவு பெற்றதையடுத்து, சசிகலா மீண்டும் சிறைக்கு அழைத்துச் செல்லப்பட்டார்.
கடந்த 5 நாட்களும் இளவரசியின் மகள் கிருஷ்ணப் பிரியாவின் வீட்டில் தங்கியிருந்த சசிகலா அங்கு அவருக்கென்று ஒதுக்கப்பட்டிருந்த அறையிலேயே இருந்திருக்கிறார்.
மூன்றாவது நாள் மட்டுமே உறவினர்களுடன் பேசியிருக்கிறார்.
இதனிடையே, கணவர் நடராஜனை மருத்துவமனையிலும் சென்று நலம் விசாரித்திருக்கிறார்.
மேலும் தினகரன், ஜெயானந்திடம் அரசியல் நிலவரம் குறித்துப் பேசியதாகவும், ஓ.பன்னீர்செல்வம், எடப்பாடி பழனிசாமியின் நடவடிக்கைகளைக் கேட்டு ஆத்திரமடைந்து, அவர்களை ஜெயலலிதாவின் ஆன்மா மன்னிக்காது என்றும் கூறியதாகத் தகவல்கள் கூறுகின்றன.
