சிங்கப்பூர்: திங்கட்கிழமை (ஜனவரி 14) நடைபெற இருந்த, சிங்கப்பூர் மற்றும் மலேசியாவிற்கு இடையிலான, இஸ்கண்டார் மலேசியாவின், 14-வது சந்திப்புக் கூட்டம் ஒத்திவைக்கப்பட்டுள்ளதாக, சிங்கப்பூர் வெளியுறவு அமைச்சு அறிக்கை ஒன்றின் வாயிலாக அறிவித்துள்ளது. இந்த ஒத்திவைப்பிற்கு மலேசியாவும் ஒப்புக் கொண்டுள்ளதாக அந்த அறிக்கையில் குறிப்பிடப்பட்டுள்ளது.
2019-ஆம் ஆண்டு ஜனவரி 9-ஆம் தேதி, துவாஸ் கடற்பகுதியில் ஜோகூர் மந்திரி பெசார் டத்தோ ஒஸ்மான் சாபியான் அனுமதியின்றி நுழைய முற்பட்டதாகக் கூறி, இந்த சந்திப்புக் கூட்டம் தற்காலிகமாக ஒத்திவைக்கப்பட்டுள்ளது என சிங்கப்பூர் வெளியுறவு அமைச்சின் பேச்சாளர் தெரிவித்தார்.
எனினும், அடுத்த சந்திப்புக் கூட்டம் எப்போது நடைபெறும் என்பதை அமைச்சகம் அறிவிக்கவில்லை.
