கோலாலம்பூர்: பினாங்கு நீருக்கடி சுரங்கப்பாதை திட்டம் தொடர்பாக ஆறு விசாரணை அறிக்கைகள் தொடங்கப்பட்டுள்ளதாக மலேசிய ஊழல் தடுப்பு ஆணையம் தெரிவித்தது.
முதல் கட்ட விசாரணை அறிக்கை 2017-இல் ஆரம்பிக்கப்பட்டது எனவும், மேலும் ஐந்து விசாரணை அறிக்கைகள் 2018-ஆம் ஆண்டு தொடங்கப்பட்டதாகவும் அது தெரிவித்தது.
ஐந்து விசாரணை அறிக்கைகள் பூர்த்தி செய்யப்பட்டு துணை பொது வழக்கறிஞரிடம் ஒப்படைக்கப்பட்டுவிட்டது எனவும், அவற்றில் மூன்று ஊழல் தடுப்பு ஆணைத்திடம் மேல் விசாரணைக்காக திரும்பக் கொடுக்கப்பட்டது எனவும் அது குறிப்பிட்டது.
பினாங்கு நீருக்கடி சுரங்கப்பாதை திட்டத்தை குறித்து, இணையத்தள எழுத்தாளர் ராஜா பெத்ரா வெளியிட்ட பதிவுக்குப் பின்னர், ஊழல் தடுப்பு ஆணையம் இந்த அறிக்கையை வெளியிட்டுள்ளது.
