கொழும்பு – இலங்கையின் தலைநகர் கொழும்புவில் உள்ள கிறிஸ்துவ தேவாலயங்கள், நட்சத்திர விடுதிகள் என 6 இடங்களில் இன்று நிகழ்ந்த குண்டு வெடிப்புகளில் இதுவரையில் 25 பேர் பலியாகியுள்ளனர்.
மேலும் சுமார் 280 காயமடைந்தனர். அவர்கள் அனைவரும் கொழும்புவில் உள்ள தேசிய மருத்துவமனையில் சிகிச்சைகளுக்காக அனுமதிக்கப்பட்டுள்ளனர்.
இந்த குண்டுவெடிப்புகளினால் மரண எண்ணிக்கை மேலும் உயரலாம் எனவும் அஞ்சப்படுகிறது.
இலங்கைத் தமிழர்களுக்காகப் போராடும் விடுதலைப் புலிகள் வலிமையுடன் திகழ்ந்த கால கட்டத்தில் இதுபோன்ற பெரிய அளவிலான குண்டுவெடிப்புகள் அடிக்கடி நிகழ்ந்தன. ஆனால், விடுதலைப் புலிகளை இலங்கை இராணுவம் முறியடித்த பின்னர் நடைபெற்றிருக்கும் பெரிய அளவிலான குண்டுவெடிப்புகள் இன்று நடந்தவையாகும்.
