சென்னை: நேற்று புதன்கிழமை (மே 1-ஆம் தேதி) நடிகர் அஜித்தின் 48-வது பிறந்தநாள் கொண்டாடப்பட்டது.
இவரது பிறந்தநாளை முன்னிட்டு சிவகங்கை மாவட்டத்தில் திருக்கோஷ்டியூர் என்ற கிராமத்தில் உள்ள அஜித் இரசிகர்கள் கிராமம் முழுவதும் மரக்கன்றுகள் நட்டு வைத்துள்ளனர்.
ஹைதராபாத்தில் பிறந்த அஜித் நேற்று தனது 48-வது பிறந்தநாளை கொண்டாடினார். இதனை முன்னிட்டு உலகம் முழுவதும் உள்ள அஜித் இரசிகர்கள், இந்தியத் திரைப்பட பிரபலங்கள் பலரும் தங்களது வாழ்த்துக்களை தெரிவித்துக் கொண்டனர்.
பொதுவாக தங்களுக்கு பிடித்த நடிகருக்கு பிறந்தநாள் என்றால் அன்னதானம், இரத்ததானம், கேக் நறுக்கியும் கொண்டாடும் இரசிகர்களுக்கு மத்தியில், அஜித்தின் இரசிகர்கள் மரக்கன்றுகளை நட்டு வைக்கும் புகைப்படங்கள் சமூகப் பக்கங்களில் பரவலாகப் பகிரப்பட்டு வருகிறது.
