சென்னை : ஹாலிவுட் படங்களில் எப்போதும் கொண்டாடப்படும் படம் ‘குட் பேட் அக்லி’ (Good Bad Ugly) என்ற கிளிண்ட் ஈஸ்ட்வூட் நடித்த கௌபாய் பாணி படம். இப்போது அதே பெயரில் உருவாகி வருகிறது அஜித் குமார் நடிப்பிலான தமிழ்ப் படம். ஆதிக் ரவிச்சந்திரன் இயக்கியுள்ளார். விஷால், எஸ்.ஜே.சூர்யா நடிப்பில் வெளிவந்து பெரும் வெற்றி பெற்ற மார்க் அந்தோணி படத்தை இயக்கியவர்.
அஜித்தின் விடாமுயற்சி திரைப்படம் எதிர்பாத்த வெற்றியையும் வசூலையும் பெறவில்லை. ரசிகர்களுக்கும் ஏமாற்றம் அளித்தது. அதைத் தொடர்ந்து எதிர்வரும் ஏப்ரல் 10-ஆம் தேதி வெளியாகும் என அறிவிக்கப்பட்டிருக்கும் ‘குட் பேட் அக்லி’ திரைப்படம் இந்த முறை அஜித்துக்கு வெற்றிப்படமாக அமையுமா என்ற எதிர்பார்ப்பை ஏற்படுத்தியிருக்கிறது.
அதற்கேற்ப, 3 நாட்களுக்கு முன்னர் வெளியான குட் பேட் அக்லி திரைப்பட முன்னோட்டம், அஜித் ரசிகர்களின் ரசனைக்கு தீனி போடும் வண்ணம், அதிரடி காட்சிகளுடன் அமைந்திருக்கிறது.
முன்னோட்டம் வெளியான 3 நாட்களுக்குள் 34 மில்லியன் பார்வையாளர்களை ஈர்த்திருக்கிறது.
அந்த முன்னோட்டத்தைக் கீழ்க்காணும் யூடியூப் இணைப்பில் காணலாம்:
