சண்டாக்கான்: சண்டாக்கான் நாடாளுமன்ற இடைத் தேர்தலின் பிரச்சாரத்தை மேலும் ஊக்கப்படுத்தும் வகையில் அம்னோ கட்சியின் துணைத் தலைவர் முகமட் ஹசான் மற்றும் முன்னாள் அம்னோ கட்சித் தலைவர் நஜிப் துன் ரசாக் ஆகியோர் களத்தில் இறங்க உள்ளதாக சபா மாநில அம்னோ கட்சித் தலைவர் புங் மொக்தார் நேற்று செவ்வாய்க்கிழமை மக்களுடனான பொதுப் பிரச்சாரக் கூட்டதில் கூறினார்.
முகமட் ஹசான் இன்று புதன்கிழமை இரவு 9 மணிக்கு பண்டார் லெதாட் ஜெயாவில் தனது பிரச்சாரத்தை மேற்கொள்ள இருக்கும் வேளையில், வருகிற வெள்ளிக்கிழமை மாலை 4 மணியளவில் நஜிப் ஜாயண்ட் விற்பனை மையத்தில் பொது மக்களைச் சந்திப்பார் எனக் கூறப்படுகிறது.
51 விழுக்காடு சீன வாக்காளர்களைக் கொண்டிருக்கும் சண்டாக்கான் தொகுதியில் தேசிய முன்னணி வெற்றிப் பெறுவது கடினமானது என்ற போதிலும், அப்பகுதியில் வாழும் மலாய் மற்றும் இஸ்லாமிய சபா பூமிபுத்ராக்களின் ஆதரவு ஐக்கிய சபா கட்சிக்கு ஆதரவாக இருக்கும் என நம்பப்படுகிரது.
