புது டில்லி: இந்திய இஸ்லாமிய மத போதகர் ஜாகிர் நாயக் மீது மும்பை சிறப்பு நீதிமன்றம் புதிய பிணையில்லாத ஆணைப்பத்திரம் ஒன்றை வெளியிட்டுள்ளது.
இந்த ஆணைப்பத்திரம் கடந்த 2016-இல் பணமோசடி குற்றச்சாட்டுகளுடன் தொடர்புடையது என்று என்டிடிவி தெரிவித்துள்ளது.
இந்த வழக்கை விசாரிக்கும் அமலாக்கத்துறை தாக்கல் செய்த மேல்முறையீட்டைத் தொடர்ந்து பண மோசடி தடை நீதிமன்றம் நீதிபதி பி.பி.ராஜ்வைத்யா இந்த ஆணைப்பத்திரத்தை பிறப்பித்ததாக அது தெரிவித்துள்ளது.
ஜாகிர் தனது வழக்கறிஞர் மூலம் நீதிமன்றத்திற்கு நேரில் வர இரண்டு மாதங்கள் கோரி மேல்முறையீடு செய்திருந்தார். இருப்பினும் அம்முறையீடு நிராகரிக்கப்பட்டது. கடந்த திங்களன்று, அமலாக்கத்துறை புதிய பினையில்லாத ஆணைப்பத்திரத்தை தாக்கல் செய்திருந்தது.
கடந்த 2016-ஆம் ஆண்டு வழக்கில் நடந்த குற்றத்தின் விளைவாக 193.06 கோடி ரூபாய் (113.4 மில்லியன் ரிங்கிட்) தொகையை அடையாளம் கண்டுள்ளதாக அமலாக்கத்துறை கூறியதாக அது தெரிவித்துள்ளது.
சர்ச்சைகுரிய இஸ்லாமிய மத போதகரான ஜாகிர் கடந்த 2016-ஆம் ஆண்டு இந்தியாவை விட்டு வெளியேறி மலேசியாவில் நிரந்தர குடியுரிமை பெற்றுள்ளது குறிப்பிடத்தக்கது.
