Home One Line P1 புதியக் கட்சியை அமைப்பதற்கு இது ஏற்ற நேரமல்ல!

புதியக் கட்சியை அமைப்பதற்கு இது ஏற்ற நேரமல்ல!

54
0
SHARE

கோலாலம்பூர்: பெர்சாத்து முகாமில் சேரத் தவறிய முன்னாள் பிகேஆர் தலைவர்களின் குழு, இந்நேரத்தில் அவர்கள் ஒரு புதியக் கட்சியை உருவாக்குவது நடைமுறைக்கு மாறானது என்று தெரிவித்துள்ளனர்.

ஒரு புதிய கட்சியை உருவாக்க நீண்ட நேரம் எடுக்கும் என்று அம்பாங் நாடாளுமன்ற உறுப்பினர் சுரைடா கமாருடின் தெரிவித்தார்.

“இந்த குறுகிய காலத்தில் நாங்கள் ஒரு புதிய கட்சியை உருவாக்குவது நடைமுறைக்கு மாறானது என்று நான் நினைக்கிறேன்.

“ஏனென்றால் அதற்கு குறைந்தபட்சம் மூன்று ஆண்டுகள் ஆகும். ஒரு புதிய கட்சி 15-வது பொதுத் தேர்தலை எதிர்கொள்ள, இது நடைமுறைக்கு மாறான நேரம் ” என்று அவர் இன்று நாடாளுமன்றத்தில் செய்தியாளர் கூட்டத்தில் கூறினார்.

சுரைடாவைத் தவிர, கோம்பாக் நாடாளுமன்ற உறுப்பினர் அஸ்மின் அலி; சைபுடின் அப்துல்லா (இந்திரா மக்கோத்தா), பாரு பியான் (செலாங்காவ்), கமாருடின் ஜாபர் (பண்டார் துன் ரசாக்), மன்சோர் ஓத்மான் (நிபோங் தெபால்), முகமட் ரஷீத் ஹஸ்னான் (பத்து பகாட்), டாக்டர் சந்தாரா குமார் (செகாமாட்), அலி பிஜு (சராடோக்) வில்லி மோங்கின் (புஞ்சாக் போர்னியோ) மற்றும் ஜொனாதன் யாசின் (ரானாவ்) ஆகியோர் பிகேஆரை விட்டு வெளியேறிய நாடாளுமன்ற உறுப்பினர்கள் ஆவர்.

இருப்பினும், சமீபத்தில், பாரு பியான் சரவாக் பெர்சாத்து  கட்சியில் இணைந்தார்.

முன்னதாக, அஸ்மின் ஒரு புதிய கட்சியை உருவாக்க விரும்பவில்லை என்றும் மறுத்திருந்தார்.

பெர்சாத்துவில் அவர்களின் நிலை குறித்து கருத்து தெரிவித்த சுரைடா, பங்கேற்பு செயல்முறையைத் தொடங்குவதற்கு முன்பு அக்கட்சியின் தேர்தல் முடிவடையும் வரை காத்திருப்பதாகக் கூறினார்.

“கட்சித் தேர்தல் முடிவடையும் வரை நாங்கள் காத்திருக்கிறோம்,” என்று அவர் கூறினார்.

Comments