Home One Line P1 அம்னோ அடுத்தக் கட்டத்திற்குத் தயாராக வேண்டும்!

அம்னோ அடுத்தக் கட்டத்திற்குத் தயாராக வேண்டும்!

93
0
SHARE

கோலாலம்பூர்: முன்னாள் பிரதமர் நஜிப் துன் ரசாக் அம்னோ தலைவராக திரும்ப வேண்டும் என்று சிலர் விரும்புகிறார்கள்.

அவர் நீதிமன்றத்தில் குற்றவாளி என நிரூபிக்கப்பட்டிருந்தாலும் இது அவர்களின் தேர்வாக இருப்பதாக ரெம்பாவ் நாடாளுமன்ற உறுப்பினர் கைரி ஜமாலுடின் தெரிவித்தார்.

கட்சி முன்னேறுவதைக் காண விரும்பும், அம்னோவின் அடிமட்ட உறுப்பினர்கள் உட்பட பெரும்பான்மையான மக்களின் கருத்தில் இருந்து இது வேறுபட்டது என்று அறிவியல், தொழில்நுட்பம் மற்றும் கண்டுபிடிப்பு அமைச்சருமான அவர் கூறினார்.

எனவே, சில மூத்த அம்னோ தலைவர்கள் அவரின் கருத்துக்கு எதிர்ப்புத் தெரிவித்து விமர்சித்ததில் அவர் ஏமாற்றமடைந்ததாகக் கூறினார்.

“அம்னோ தலைவராக டத்தோஸ்ரீ நஜிப் திரும்புவார் என்று சிலர் இன்னும் நம்புகிறார்கள். இதைத்தான் நான் சொல்கிறேன். அவர்கள் இதைப் பற்றி பேச விரும்பவில்லை, ஆனால், நான் அதைச் சொல்ல வேண்டும். என்னைப் பொறுத்தவரை நாம் முன்னேற வேண்டும். அம்னோவை வழிநடத்த புதிய தலைமுறையைக் கண்டறியவும்.

“இப்போது தலைவர் இருக்கிறார், டத்தோஸ்ரீ அகமட் சாஹிட் ஹமிடி. அவரது வழக்கு இன்னும் விசாரணையில் இருப்பதால் எந்த பிரச்சனையும் இல்லை. நீதிமன்றத்தில் இருந்து இன்னும் எந்த முடிவும் இல்லை. ஆனால், அதற்குப் பிறகு நாம் யாரைப் பார்க்க வேண்டும்? புதிய தலைமை வரிசை என்ன? மக்கள் உண்மையிலேயே விரும்புவதும் இதுதான், ”என்று அவர் கூறினார்.

சமீபத்தில், எஸ்.ஆர்.சி இன்டர்நேஷனல் நிறுவனத்தின் 42 மில்லியன் ரிங்கிட் நிதி தொடர்பான மூன்று குற்றச்சாட்டுகளுக்கு கோலாலம்பூர் உயர் நீதிமன்றம் நஜிப்பை குற்றவாளி என்று தீர்ப்பளித்தது.

அவருக்கு 12 ஆண்டுகள் சிறைத்தண்டனையும், 210 மில்லியன் ரிங்கிட் அபராதமும் விதிக்கப்பட்டது.

நீதிமன்றத்தின் தீர்ப்பைத் தொடர்ந்து, முன்னாள் அம்னோ இளைஞர் தலைவரான கைரி, கட்சியின் போராட்டத்தை, புத்துணர்ச்சி செயல்முறையை முன்னெடுக்க வேண்டும் என்று கோரியுள்ளார்.

மேலும் கருத்து தெரிவித்த கைரி, அம்னோ தொடர்ந்து ஒரு புதிய தலைமைக் குழுவை வழங்க வேண்டும் என்று குறிப்பிட்டார்.

Comments