Home One Line P1 கொவிட்19: கெடா தாவார் தொற்றுக் குழுக் காரணமாக 11 பேருக்கு பாதிப்பு

கொவிட்19: கெடா தாவார் தொற்றுக் குழுக் காரணமாக 11 பேருக்கு பாதிப்பு

92
0
SHARE

கோலாலம்பூர்: மலேசியாவில் கடந்த 24 மணி நேரத்தில் 20 புதிய கொவிட்19 தொற்று சம்பவங்கள் பதிவு செய்யப்பட்டுள்ளதாக சுகாதார அமைச்சு இன்று வெள்ளிக்கிழமை தெரிவித்தது.

இதைத் தொடர்ந்து நாட்டின் மொத்த கொவிட்19 பாதிப்பு எண்ணிக்கை 9,149-ஆக உயர்ந்துள்ளது.

புதிதாக அடையாளம் காணப்பட்ட 20 சம்பவங்களில் 7 பேர் வெளிநாடுகளிலிருந்து நாடு திரும்பியவர்கள் ஆவர். மேலும், 13 பேர் உள்நாட்டிலேயே தொற்றுக் கண்டுள்ளனர். கெடாவில் தாவார் தொற்றுக் குழுக் காரணமாக 11 பேருக்கு தொற்று ஏற்பட்டுள்ளது.

பத்து பேர் கெடாவிலும், மேலும் ஒருவர் பினாங்கிலும் இந்த தொற்றுக்கு ஆளாகி உள்ளனர். சுகாதார அமைச்சு இந்த தொற்று எவ்வாறு ஏற்பட்டது என்பதை விசாரித்து வருகிறது. மேலும், புதிதாக முடா தொற்றுக் குழுவும் கெடாவில் அடையாளம் காணப்பட்டுள்ளது.

இன்று 7 பேர் குணமடைந்து வீட்டிற்கு செல்ல அனுமதிக்கப்பட்ட நிலையில் குணமடைந்தோரின் எண்ணிக்கை 8,828 -ஆக உயர்ந்துள்ளது.

நாட்டில் மொத்தம் 196 பேர் இன்னும் மருத்துவமனைகளில் சிகிச்சைப் பெற்று வருகின்றனர். அவர்களில் நால்வர் அவசர சிகிச்சைப் பிரிவில் சிகிச்சைப் பெற்று வருகின்றனர். அதில் ஒருவருக்கு சுவாசக் கருவி உதவித் தேவைப்படுகிறது.

Comments