சிரம்பான்: சிரம்பான் மரண விசாரணை நீதிமன்றத்தில் திங்கட்கிழமை தொடங்கி ஐரிஷ்-பிரெஞ்சு சிறுமி நோரா அன் குய்ரின் மரண விசாரணை தொடர்பான விசாரணை இயங்கலையில் நேரடியாக ஒளிபரப்பப்படும்.
மலேசிய நீதித்துறையின் அதிகாரப்பூர்வ இணையத்தளம் மற்றும் அதிகாரப்பூர்வ சமூக ஊடகமான யூடியூப் முகநூல் பக்கமான, ‘தி மலேசியன் ஜுடிசுவரி’- யில் திங்கட்கிழமை காலை 9 மணிக்கு தொடங்கி இந்த விசாரணை ஒளிபரப்பப்படும் என்று புத்ராஜெயா கூட்டரசு பிரதேச நீதிமன்ற அலுவலகம் இன்று தெரிவித்துள்ளது.
“மலேசிய நீதித்துறை விசாரணையின் நேரடி ஒளிபரப்பை நடத்தும்” என்று அந்த அறிக்கையில் கூறப்பட்டுள்ளது.
ஆகஸ்டு 24 முதல் 28 வரை மரண விசாரணை நீதிமன்ற நீதிபதி, மைமூனா இரண்டு வாரங்களுக்கு இந்த விசாரணை நீடித்து, பின்பு, செப்டம்பர் 1 முதல் 4 வரை மீண்டும் தொடங்கும் என்றும் கூறியிருந்தார்.
விசாரணைக்கு உதவ சாட்சியம் அளிக்க மொத்தம் 64 சாட்சிகள் அழைக்கப்படுவார்கள் என்று அந்த அறிக்கையில் தெரிவிக்கப்பட்டுள்ளது.
கடந்த ஆண்டு ஆகஸ்ட் 13- ஆம் தேதி சிரம்பானில் உள்ள ஜாலான் பந்தாய் தங்கும் விடுதியிலிருந்து சுமார் 2.5 கிலோமீட்டர் தொலைவில், ஒரு சிற்றோடைக்கு அருகில் நோரா அன்னின் சடலம் கண்டெடுக்கப்பட்டது.
