Home One Line P1 வெளிநாடுகளிலிருந்து 26,572 பேர் நாட்டிற்கு கொண்டு வரப்பட்டனர்

வெளிநாடுகளிலிருந்து 26,572 பேர் நாட்டிற்கு கொண்டு வரப்பட்டனர்

87
0
SHARE

கோலாலம்பூர்: உலகெங்கும் கொவிட்19 தொற்றுநோய் பரவியதைத் தொடர்ந்து, வெளிநாடுகளில் சிக்கித் தவித்த 26,572 மலேசியர்களுக்கு நாடு திரும்புவதற்கு வெளியுறவு அமைச்சகம் ஏற்பாடு செய்துள்ளது.

அவர்கள் அனைவரையும் 94 நாடுகளில் இருந்து 528 விமானங்கள் வழியாக மலேசியாவுக்கு அழைத்து வரப்பட்டதாக துணை வெளியுறவு அமைச்சர் டத்தோ கமாருடின் ஜாபர் தெரிவித்தார்.

“இந்த எண்ணிக்கையில் 20 மலேசிய தப்லீக் உறுப்பினர்கள் கைது செய்யப்பட்டு இந்தியாவில் நீதிமன்றத்திற்கு கொண்டு செல்லப்பட்டவர்களும் அடந்குவர். அவர்கள் மூன்று நாட்களுக்கு முன்பு வெற்றிகரமாக வீட்டிற்கு கொண்டு வரப்பட்டனர்.

“தற்போது, ​​56 பேர் மட்டுமே வெளிநாட்டில் சிக்கித் தவிப்பதாகக் கூறப்படுகிறது. விமான நிலையம் மீண்டும் திறக்கப்படுவதற்கும், வணிக விமானங்கள் வழக்கம் போல் இயங்குவதற்கும் காத்திருக்கின்றன,” என்று அவர் இன்று மக்களவையில் கேள்வி பதில் அங்கத்தில் கூறினார்.

இது தவிர, மொத்தம் 457,000 மலேசியர்கள் இதுவரை வெளிநாட்டில் இருப்பதாக அமைச்சகம் மதிப்பிட்டுள்ளது.

இருப்பினும் உண்மையான எண்ணிக்கையை இறுதி செய்ய முடியாது, ஏனெனில் அவர்கள் அனைவரும் மலேசிய பிரதிநிதிகளிடம் பதிவு செய்யப்படவில்லை என்று அவர் கூறினார்.

வெளிநாடுகளுக்குச் செல்லும் அனைத்து மலேசியர்களும் அருகிலுள்ள மலேசிய பிரதிநிதிகளிடம் பதிவுசெய்து, சரியான விசாவைப் பெறுவதால், எந்தவொரு உதவிகளையும் பெறுவதில் வசதியாக இருக்கும் என்று அவர் அறிவுறுத்தினார்.

கொவிட்19 தொற்றால் பாதிக்கப்பட்ட மலேசியர்களுக்கு மருத்துவ சிகிச்சை, வீடு திரும்புவதற்கான வசதி உள்ளிட்ட உதவிகளை வழங்குவதை உறுதி செய்வதற்காக மலேசிய தூதரகக்குழு செயல்பட்டு வருவதாக அவர் விளக்கினார்.

“எங்கள் பிரதிநிதிகள் மலேசியா தொடர்பான சமீபத்திய தகவலை தெரிவிக்க வெளிநாட்டில் வசிக்கும் சமூகத்துடன் நெருங்கிய தொடர்பில் உள்ளனர். இந்த விஷயத்தில் அமைச்சுக்கு உதவிய தேசிய பாதுகாப்பு மன்றம், தேசிய பேரிடர் மேலாண்மை நிறுவனம் மற்றும் சுகாதார அமைச்சகம் ஆகியவற்றிற்கும் நன்றி தெரிவிக்கிறோம், ”என்று அவர் கூறினார்.

Comments